昨日有讀者爆料並提供三張照片，指歌手薛凱琪（Fiona）和緋聞男友方大同前晚在尖沙咀拍拖，相中見Fiona的右手疑似拖住挽着外賣膠袋的大同，感覺甜蜜。昨日Fiona接受電話訪問時「例牌」否認戀情：「唔係拍拖，冇拖手，我唔想同佢拍拖呀！」她直言和方大同自加盟不同的唱片公司後，見面機會漸少，但無論如何忙碌，一有時間就會相約見面，故友情沒有改變。

Fiona表示沒有代經理人黃柏高拉攏方大同傾合作，因她深明對方的品性：「佢唔鍾意受人控制o架，我都唔會代佢講工作上嘅事，因為我怕佢見記者時會冇嘢講囉！」她承認單身多時想拍拖，而理想對象是專一，毋須太靚仔及富有。