江若琳挑「鬼后」機爭金箏影后

女星江若琳憑電影《結婚那件事》中的出色表現，獲馬來西亞中文影視協會創辦的《第一屆金箏獎頒獎典禮》提名角逐「最佳女主角」，對手還有《初戀紅豆冰》的李心潔，惠英紅亦憑《結》片角逐「最佳女配角」。江若琳坦言能夠角逐影后甚感幸運：「真係好驚喜！《結》片係我第一次參與嘅馬來西亞電影，知道規定咗要係近呢三年上嘅電影先有資格參加，所以感到好榮幸，好多謝大家對我演技嘅認同，亦要多謝所有投我票嘅評審。」問到對手有「鬼后」李心潔，江若琳坦言十分欣賞對方的演出，亦看過其入圍作品，問到有否信心取勝，她說：「平常心啦！能夠有機會同李心潔一齊提名已經好滿足，睇好對方攞獎。而我都希望小紅姐能夠成功得獎，為電影贏得更多獎項。」頒獎禮將於10月在吉隆坡舉行。