蒙嘉慧、林文龍與兩位「Q版YoYo」合照。

蒙嘉慧（YoYo）以部頭形式夥拍林文龍演出王維基「香港電視」新劇《天網》，昨日記者會上，大會安排兩位「Q版YoYo」向文龍獻吻，又推出蛋糕為下月3日生日的YoYo預先慶祝。YoYo笑談外傳百萬酬金加盟：「傳啫！總之滿意啦！其實誠意重要過金錢。知我今次有打鬥場面，佢哋即刻安排我去上拳擊同射槍課程，將以往我呢方面嘅謬誤糾正過嚟！（有咩生日願望？）繼續有工開。」

蒙嘉慧、林文龍與兩位「Q版YoYo」合照。

談到發牌問題，文龍與YoYo異口同聲表示不擔心，文龍說：「發牌係遲早嘅事。」王維基感激周潤發日前對發牌的支持，他又否認外傳演員集體離巢：「只得1、2個（演員）之嘛，依家我哋有250個演員，遲啲會加到300。」更不排除繼續挖角。對於新劇《我阿媽係黑玫瑰》剪減多拍戲份浪費200萬，王維基說：「其實唔止呢個數，但要控制品質，冇理由明明一杯橙汁，夾硬開稀佢變三杯。」