鍾浠文為髮尾染上紅色，頓時魅力大增。

模特兒鍾浠文昨日在髮尾位置染上紅色，以新形象示人。她透露早前心情灰暗，為求轉變所以染髮：「因為Cafe轉新產品，唔係財政問題，只係做生意後多嘢要諗，想畀自己有新氣象咪改變吓形象，好彩朋友嘅評語係：『好突破』。我染之前有同公司講，公司非常緊張，我話：『畀我放縱一個月啦！』」她笑言有隨身帶備可即時將頭髮噴黑的護髮用品，故不擔心會影響工作。

鍾浠文為髮尾染上紅色，頓時魅力大增。

提到內地女星張暖雅指其全裸照是藝術照，她表示大學時主修藝術，曾為全裸模特兒畫肖像：「嗰啲先係藝術，唔會令人諗到其他嘢。我覺得依家啲模出寫真，唔知佢哋受乜嘢教育長大？我唔理解，佢哋嘅屋企人點會贊成佢哋做呢啲嘢？模唔讀書，嘥晒最好嘅時間，扮EQ高，但其實IQ低咗！」