鍾嘉欣曾遇上「雙面男」，令她大呼怕怕！

一向予人鄰家女孩感覺的「宅男女神」鍾嘉欣自言若拍拖便會視對方為結婚對象，並自爆曾遇過「雙面男」埋身，鏡頭前、後兩個樣，令她難以接受！她希望擁有一個白雪紛飛的夢幻婚禮，貫徹她純如BB的形象。

鍾嘉欣曾遇上「雙面男」，令她大呼怕怕！

嘉欣BB會認真觀察心儀對象，未知伍允龍是否已成功過關？

鍾嘉欣獲網民封為「嘉欣BB」，宅男粉絲更捧她為女神，她向來對感情事態度低調，與緋聞男友伍允龍的關係更是撲朔迷離。電台昨日播出嘉欣的訪問，她提到拍拖前會先觀察對方一段長時間，若認定對方便希望和他一生一世。問到可曾試過「跌眼鏡」？她透露曾遇過「雙面男孩」：「都有，有啲男仔唔到一年佢唔會『現形』，有啲男仔就比較快，開頭好Nice好客氣，但慢慢發覺佢唔係想像中咁純，冇記者喺度可能好Nice，但有記者就會勁驚，即刻唔同你做朋友。」她表示不會接受這種男朋友。

自爆壓力大崩潰

嘉欣又分享夢想中的婚禮，希望可做「白雪公主」，在雪花映襯下與愛人共諧連理：「我嘅Dream Wedding係落雪嘅，着長袖拖尾婚紗喺外邊行禮，因為我鍾意冬天。（幻想嘅求婚畫面？）求婚都希望落雪，可能喺雪入面掘隻戒指出嚟，總之係有雪嘅！」入行多年的嘉欣坦言希望有天能成為視后：「我都希望有一日可以攞到女主角，但我冇Plan。」現忙於拍劇和準備下個月處女騷的嘉欣透露曾試過因工作壓力大而崩潰：「我唔開心到唔講得嘢，拍劇做到角色，但只係一條喪屍、一個軀殼，一直抑壓住思鄉同呢行嘅壓力。」