露腰的樂瞳（左）本來比密實的許亦妮更有睇頭，可惜腰間腩肉要扣分。

樂瞳、黃翠如、許亦妮、鄭俊弘和黃浩然等昨日宣傳新劇《師父．明白了》，一身低胸裝打扮的樂瞳露腰又露事業線，令人眼前一亮，打低密實上陣的許亦妮，不過樂瞳腰間兩截豬腩肉卻大打折扣。

露腰的樂瞳（左）本來比密實的許亦妮更有睇頭，可惜腰間腩肉要扣分。

黃翠如與黃浩然出席新劇宣傳時表示，感激周潤發公開稱讚她。

剛過了27歲生日的樂瞳笑言近期刻意打扮成熟，不過外間反應麻麻：「大家話睇唔慣，以前太妹。（以後角色唔想做小妹妹？）又唔會，睇導演要求，依家會喺屋企舉啞鈴操Fit吓，又冇許亦妮身材咁勁，但有啲天賦係操唔到嘅。」而翠如對於被周潤發公開稱讚，她興奮地說：「好感激，呢排好大壓力，套劇好多批評聲音，但聽到佢咁講個心好甜。」至於因《星夢傳奇》工作量大增的鄭俊弘，被問到收到「大支票」酬勞時？他笑說：「都未知有幾多，最緊要係Keep住有嘢做。」