祖兒叫軒仔扮番男人
以千萬身價加盟英皇娛樂的張敬軒，昨日舉行盛大記者會，獲公司「一哥」謝霆鋒及「一姐」容祖兒畀面撐場。大師姐祖兒更送「大禮」，在台上贈軒仔一句「可以扮番男人」，令性向成疑的他相當尷尬，只好無奈回敬一句「真係唔該晒」打圓場。
祖兒開玩笑叫軒仔「扮番男人」，令他啼笑皆非，尷尬地以一句「真係唔該晒」打圓場。
軒仔以千萬酬勞加盟英皇，獲高層吳雨（左二）、「一哥」霆鋒及「一姐」祖兒撐場。
軒仔上台前與老闆楊受成擁抱，答謝對方賞識，賓客胡文新（左三）等拍手支持。
除了開玩笑，祖兒還認真地送燈祝軒仔發光發亮。
英皇「一哥」霆鋒（左）與軒仔鬥讓路，Nice爆！
張敬軒去年約滿環球唱片，本報早前率先披露他以千萬身價加盟英皇娛樂，昨日他以一身黑色斗篷Look出席《情軒英皇 強勢加盟》記者會，獲老闆英皇集團主席楊受成博士、「一哥」謝霆鋒及「一姐」容祖兒親身撐場，各大電視台、電台高層及廣告商亦有捧場，排場十足，可見地位超然！而早前為廣州錄音室與軒仔意見不合的契爺、契媽陳鼎禮夫婦亦有現身，更坐主家席。
唔介意做「師妹」
當大師姐祖兒上台時，即拿性向成疑的軒仔開玩笑，她先大讚軒仔是有潛質歌手，並突然拋出一句︰「依家可以扮番男人。」令軒仔一臉尷尬，作狀抹汗並說︰「我唔介意驗明正身，我係男人。」然後望向祖兒說「真係唔該晒」打圓場。事後，軒仔再度強調自己是「男兒身」，並笑言未有後悔請祖兒撐場︰「我一向都係男人！我哋之前夾過，係笑位！」對於被指成為祖兒的「師妹」，他大方說︰「是但啦！你哋寫乜咪乜囉！是但一句，我唔係好Mind（介意）。」
至於戴上黑超的霆鋒則一貫Chok樣上台，並指與軒仔僅相識1年，軒仔聞言自爆當年參加頒獎禮時曾在洗手間巧遇對方，霆鋒即幽默地轉身作狀小解，令全場捧腹大笑！事後軒仔感激霆鋒支持，至於霆鋒與周迅的緋聞，他表示因雙方不太熟而不願多談。
關智斌開工冇到
全程心情靚爆的軒仔，上台前先主動與老闆楊受成擁抱，並感激對方過去的支持及鼓勵︰「當時因緣分同Timing問題未能合作，今日終於可以報楊生知遇之恩。」他透露以8位數字酬勞簽約英皇6年，並否認取代古巨基，問到為何不邀請同門「密友」關智斌到賀，他說：「佢拍緊戲，依家佢喺內地紅過我！」問到會否「情侶檔」吸金，他說︰「要睇劇本同Mani（霍汶希）畀唔畀。」
