拐住為趾公覆診 娜姐戴「里奧帽」止痛

「趾公」受傷的周秀娜，昨晚一心到大球場捧緋聞男友里奧費迪南場，可惜撞正覆診，只好打消念頭。昨晚7時許，她一拐一拐現身銅鑼灣一間診所，期間一直戴着里奧所贈的Cap帽，即使躺在床上接受治療也不願除下。離開時，她對於未能一睹里奧球技大呼可惜：「下次囉！都見到面咯！佢仲請我下個月9號去睇佢紀念賽！同佢見面感覺好得意，好似一見如故咁，好開心！」由於今天要出發往內地拍網劇一個月，她希望下月能向劇組請假到英國睇波，據知劇組為其右腳買重保險，令她可安心開工。