金像獎最佳女配角得主陳靜（DaDa）上周四出席韓國影壇盛事《第17屆富川國際奇幻電影節》，前晚返港的她自爆被當地瘋狂粉絲貼身追蹤：「我參加完電影節就喺韓國留咗幾日，點知就遇到有Fans全程跟住我，完全冇諗過有人會識自己！（有冇嚇親？）冇，佢哋都係遠距離影吓相，同埋都Nice嘅！」

她又自爆因在當地狂食，令體重急升六磅：「自從拎完金像獎就放鬆咗，胃口又大咗，結果去到韓國日日食足五餐，搞到肥咗六磅，連上圍都升咗Cup！不過依家係時候Keep Fit，因為下個月就要開拍《喜愛夜蒲3》喇！」