張智霖在《衝II》的「Cool魔」一角可謂萬人迷，這名Playboy先後引得朱璇、劉俐和梁政珏主動投懷送抱，但Cool魔卻不為所動。在即將播出的一場床戲中，「咪神」梁政珏拋胸，以睡衣上陣，亦未能引得Cool魔「埋牙」，因他每當對着女性時，便會想起生其氣的妹妹Summer（胡杏兒飾）。監製歐冠英解釋，這場「床戲」冇攬冇錫，只是Chilam的內心戲：「因為佢年少時冇咗父母，去投考空軍，未有照顧妹妹而被埋怨。如今兄妹重遇，希望修補關係但未有進展，令Chilam心存陰影。」昨日記者問到Chilam可會擔心怕被誤會在床上「有困難」？他說：「嘩！唔講喇！大家睇戲啦！」至於朱璇亦讚可以攬Chilam是福利。