千語起腳狂踢沙包，預備做打女打到飛起。

吳千語與林峯愛得癡纏，有傳林峯希望成家立室，但年輕的千語BB仍希望在事業上衝刺，加上她不時被指靠林峯上位，遂決定創一番事業。據知，她早前秘密接了兩部動作片，近日不停操練谷肌。日前《好報》直擊千語到中環「Hayabusa」武術健身店作地獄式訓練。她在女教練陪同下先做熱身，再踢沙包、做健身、Sit Up、舉啞鈴，大汗疊細汗，決心做打女！其後，千語與男教練對打Boxing，功架十足，相信已鍛煉了一段日子。記者求證千語是否做動作女星，她說：「工作上公司安排，我都希望拍唔同類型電影，近期鍛煉身體都係想健康啲，如果拍打片，打到飛起都冇問題。（男友擔心？）冇乜好擔心，現場咁多教練，好安全。」對於千語喪練打拳拍打片，望一洗拜金污名，林峯透過經理人回應：「私人嘢唔想講太多，希望大家集中我嘅工作上面。」

千語起腳狂踢沙包，預備做打女打到飛起。