DVD未正式推出,預訂數字已達雙白金;學友,你確係勁!

歌神張學友個唱DVD銷量贏到開巷,但在家中卻敗於「女人世界」之下,被愛妻羅美薇投訴唱歌多過食飯,女兒更拒聽其名曲,學友遂搞笑「還擊」,取笑老婆五音不全!

DVD未正式推出,預訂數字已達雙白金;學友,你確係勁!

學友透露計劃為《 世紀演唱會》專輯推出3D版。

One Direction

張學友昨日以一身透視西裝出席《張學友1/2世紀演唱會》DVD記者會,公布新碟預訂數字達雙白金,合共四萬張。去年5月完成個唱的學友,相隔14個月才正式出碟,他說:「對我意義重大,過咗50歲仲可以做個唱,好有紀念價值。今次我想做得更好,好多嘢要過自己嗰關,你問杜自持講幾多粗口就知幾辛苦。」

學友透露有意在音樂劇《雪狼湖》20周年時搞紀念表演,更戲癮大發想專攻音樂電影。而他接受電台訪問時直認恨在港捧走影帝獎座:「唔只想試,直頭想攞男主角!不過依家都過咗『想』嘅時間。」他又透露在家中「小男人」一面:「有時我食飯會唱歌,老婆會問可唔可以唔好唱!個女平時亦唔聽我啲歌,佢鍾意(英國組合)One Direction(1D)。(逼個女聽自己?)我都想,但唔會。」

爆老婆五音不全

問到女兒可有遺傳靚歌喉?學友趁機取笑老婆一番:「OK啦!大家唔好唔記得我太太係五音不全,冇粒音啱過,仲會突然轉Key。(佢當年係開心少女組?)佢哋係偶像派,我點同!」而剛度52歲生日的學友早前與女兒到澳洲慶祝。