撞正偶像同日開騷倫永亮預告唱完速閃

將於8月底假伊館開騷的倫永亮（Anthony），昨日出席《倫永亮 One Voice Ten Fingers演唱會》記者會時表示，身邊好友得悉他開騷即自薦要幫手，令他感恩地說：「人哋話圈中冇真情，唔啱！」問到騷上可有嘉賓？他即笑說：「陳寶珠話會買飛入場，到時拉佢上嚟跳舞。」不過，Anthony自爆暫時對開騷有一個憂慮：「偶像玉置浩二同日喺香港開騷，我都好想睇。」他更搞笑提醒觀眾屆時要記得準時入場，因他會「唱完即走」，趕去捧偶像場咁話！