張衞健

曾與江欣燕拍拖多年的張衞健，坦言不知舊愛傳婚變：「我真係唔知道，因為大家好少聯絡，年幾兩年先會通一次電話，而且通電話都唔會講感情嘢。（欣欣提過佢老公啲嘢？）都冇。（聽到呢個消息好愕然？）都唔知係唔係真，呢啲嘢冇乜好講，緣分嘅嘢，希望唔係真。如果係真，希望佢哋可以冷靜處理，始終兩個人相處咗咁耐，希望有得掹。」

張衞健

梅小惠

與欣欣相交多年兼情如姊妹的梅小惠，昨日表示知道欣欣離婚：「我同欣欣係非常好嘅朋友，吳積遜亦都係我朋友，所以佢哋兩個我都會好關心。雖然佢哋分開咗，但依然保持好好嘅關係。邊個需要我傾訴，我都會隨時奉陪。」她十分欣賞好友面對離婚的態度：「欣欣好成熟好叻，佢處理得好好。」