游莨維呻外景鑊鑊甘

拍電影捱暴曬，公仔箱藝人同樣冷暖自知！無綫藝人游莨維（Joe）昨晨在Instagram留言爆為節目《東張西望》連踩多場外景，除了需到酷熱地方拍攝外，還要凌晨五時開工影牛牛，更形容為「東張殺人外景巨獻」，他留言說：「我係『肥屍大隻』，但都唔使『我的身形如何，我的外景也如何』咁益我，我MJ都會『怕悶、怕熱、怕通頂』！」似乎有暗寸無綫刻薄之嫌。不過，Joe昨日接受記者電話訪問時則否認無綫收買人命，還讚公司待他不錯：「其實段留言係講笑，只係喺特別情況先需要OT，其實因為《東》節目只得兩位男主持，所以較多出外景都可以理解。」