古天樂40℃密室險焗暈

宇宙最強捱熱開工搞到中暑，圈中另一型男古天樂與劉青雲在彭順執導的寰宇電影《逃出生天3D》中同樣在高溫下演出！為拍攝連串搶救場面，兩人不用埋位時便跑步游水鍛煉，古仔說：「真係少啲精力都難以應付！拍攝現場氣溫高達40℃，又喺密不透風的室內進行拍攝，好似置身焗爐一樣！不過青雲慘啲，仲要着厚厚嘅消防衣，大家都拍到大汗淋漓，好彩冇中暑同焗暈。」彭順則爆古仔拍攝時先後傷及手掌及腳的舊患，即使拍到流血仍忍痛演出，完成拍攝後才治理傷口，以免影響進度，至於對青雲演消防員的表現，彭順說：「雖然青雲並唔係消防員，但佢提出啲好專業嘅意見，睇到佢做足功課，係好有誠意嘅演員。」