「嚴父」黃宗澤 嚇窒百厭童星

黃宗澤（Bosco）昨日出席「麥當勞叔叔之家慈善基金」活動，正拍新劇《貓屎媽媽》的他表示，面對百厭的八歲小演員即「嚴父」上身：「依家啲細路好厲害、好老積，但我有做嚴父嘅潛質，有時個細路好百厭，我一『敦』起個樣話『玩完未？』，佢就即刻定格。（鍾意小朋友？）OK，希望第時學三哥（苗僑偉）生一仔一女，湊個『好』字！」自與胡杏兒分手後，單身的Bosco直言未有生育計劃：「另一半都未有，學鄭嘉穎賺多啲錢先啦。（媽咪冇催？）從來冇，冇提傳宗接代！」對於有指羅家英暴瘦，Bosco表示早前見過他們夫婦都很精神健康。