陳奕迅Casual開場反傳統
陳奕迅（Eason）的《Johnnie Walker Eason's LIFE演唱會》昨晚開鑼，全場爆滿！他一身Casual打扮出場，一改過往浮誇傳統揭序幕。為報答「迅徒」撲飛之苦，Eason先鞠躬深情向觀眾致謝，又搞笑地自言要「講」足三個鐘！
Eason合共二十五場的紅館騷昨晚開鑼。
Casual出場的Eason叫歌迷大為驚喜，但他在梯級上跳跳吓，嚇到不少人。
換上多套戰衣的Eason，讓歌迷大飽眼福！
貴為樂壇「吹神」的陳奕迅（Eason），25場紅館騷昨晚揭開序幕！雖然事前一再加場，門票仍火速被「秒殺」。昨晚演出於晚上8時45分正式開始，搭上窄角三面台，台上梯級布置上設有樂隊，背面則是大型Led屏幕，舞台側面有一地盤場景，上面有貨櫃及天秤等布置。
深情四度多謝
Eason打破以往在紅館開騷的傳統，以最Casual的方法登場，穿上白T恤、黑褲及戴黑超，由台邊步上台，一手按住胸口，分別向三面台觀眾鞠躬，他說：「好多謝你哋嚟，我只係想講少少嘢，大概講三個鐘啦！」搞笑完後他深情續說：「睇個唱大家當然會有期待，我都係，喺（心）裏面。今次能夠企喺台上面，好多謝、好多謝、好多謝在場所有觀眾！」全場觀眾不停鼓掌，他隨即宣布演唱會開始：「下面唔知唱幾耐，希望大家享受每一粒音、每一個字，可以放鬆心情，放下壓力，好好欣賞。」
現場隨即響起音樂，Eason唱出《今天只做一件事》，其後他換上蝴蝶結裝飾上衣襯格仔裙褲並化上閃眼影獻唱出《花花世界》，當唱出《歲月如歌》時，他High爆更在梯級大踏步走近觀眾席，佻脫表現令人吃驚，幸未有發生意外。然後他再車輪轉先後換上白色荷葉瓣層層疊裝及黑白波點西裝獻唱。
而於開騷前約下午6時，Eason在經理人陳家瑛等陪同下進行拜神儀式，父親陳裘大事前有現身。期間Eason心情大靚，笑個不停，不時以「多謝晒」回應「迅徒」的「Good Show」歡呼。切燒豬後，他與工作人員擊掌互相打氣，返後台前不忘與Fans揮手道別。
另外，Eason日前呼籲如歌迷送花不如套現，將「花」費用作做善事，他早前在微博亦再次呼籲，希望為有需要人士盡點綿力，曾與他合作拍戲的台星劉若英即響應，並在微博展示捐款單據。
睇住Rundown跟住唱
1.今天只做一件事
2.overture：Spring
3.花花世界
4.Life goes on
5.每一個明天
6.美滿人生
7.歲月如歌
8.Welcome to the future
9.隨意門
10.時代巨輪
11.大人
12.碌卡
13.活躍症
14.Stranger under my skin
15.沙龍
16.幸福摩天輪
17.信任
18.人來人往
19.葡萄成熟時
20.最佳損友
21.落花流水
22.結束開始
23.怕死
24.時光倒流二十年
25.陀飛輪
26.夕陽無限好
27.今日
28.我的快樂時代
29.時代曲
（Encore環節）
