演警察的Ronald自言有不少紋身，故不便剝衫騷肌。

喜劇演員鄭中基昨日為新片試造型，再演搞笑幹探的他笑言今次「流流哋」，最想開創戲路做動作演員，但主力是被打！談及近年甚少拍親熱戲，他自嘲冇說服力，否認太太不批准！

演警察的Ronald自言有不少紋身，故不便剝衫騷肌。

張暖雅（左起）、石詠莉、雨僑與莊思敏，齊齊封胸鬥密實。

戴上超深遠視眼鏡的雨僑，笑言擔心撞親人。

金像獎最佳男配角鄭中基（Ronald），昨日偕雨僑、莊思敏、石詠莉、張暖雅及導演胡耀輝等為新片《猛龍特囧》試造型，身穿短袖Tee的Ronald露出手臂紋身，怒髮衝冠兼留鬚，他表示今次再演臥底幹探，但角色「流流哋」，自以為很勁，但槍戰戲不多，問到會否剝衫騷肌，他說：「我有好多紋身，演警察唔方便除。（感情線？）同胡耀輝有段兄弟情，由細玩到大。」

談及近年甚少與女星有愛情線，他笑言由他演出欠說服力，問到是否太太余思敏下禁令，他說：「唔會，做嘢啫！（避忌？）睇需要啦！上次拍戲都有同薛凱琪演一Pair，但主要係搞笑。（局限咗？）惟有加多啲動作，一於開新血路，依家變咗動作演員，係畀人打嘅動作演員！」

雨僑「大遠視」怕傷人

女演員方面，莊思敏與張暖雅罕有封胸，被七彩打扮、戴上千五度遠視眼鏡的女主角雨僑搶鏡！片中的她自小暗戀Ronald，女追男但不成功，她說：「本來安排我配近視隱形眼鏡平衡番，但我適應唔到，好暈，戴10秒就嘔，寧願咩都睇唔到！排戲嗰陣要捉鄭中基，點知我捉錯咗石詠莉。（驚摸錯地方？）最怕撞親人咋！」