苟芸慧與吉祥熊共舞時動作生硬，十足機械人！

苟芸慧昨日出席一田百貨荃灣分店的開幕活動，衣着密實的她與近期熱爆的Kumamon熊本吉祥熊跳舞時明顯甩Bit，看似心不在焉！事後問到是否不擅跳舞時，她靦腆地解釋：「最近因為減肥都有同啲朋友去上跳舞堂，都鍾意跳Hip Hop。我事先唔知要跳，又驚畀Kumamon打到，頭先都差啲中招。（着得咁密實？）今日我係環保大使嘛！」

苟芸慧與吉祥熊共舞時動作生硬，十足機械人！

她透露對跳舞有興趣，問到可會請教緋聞男友郭富城時，她說：「我諗佢唔得閒，佢跳舞真係好叻，我覺得係佢嘅Talent。（咁你嘅Talent係乜？）遲啲先答你，依家淨係想快啲可以以最佳狀態見人，成日畀你哋講（肥），真係打擊咗，好灰！」最近已戒澱粉質及減少食肉的苟芸慧，希望拍新劇《飛虎2》時能跟拍檔馬德鐘等操弗體能。