Cyrus與Queenie十指緊扣，並大方表示進入拍拖前了解階段。

無綫配對節目《求愛大作戰》一班台前幕後前晚到酒吧收睇結局，節目中Cyrus向導師Queenie示愛，感動全場。現場他倆亦大方拖手公布進入拍拖前了解階段，Queenie說：「我哋搵到另一半係真心，但仲係朋友階段，我大佢10年，以前會Set界限，依家唔會，可能會搵到多啲嘢。」

Cyrus與Queenie十指緊扣，並大方表示進入拍拖前了解階段。

Justin與Carol態度親暱，有啲嘢喎！

怒轟無綫造假的Vivien及另一港女Sharon則缺席，當現場播到Vivien的片段時更傳出噓聲！而Justin否認節目做媒，並指沒有人教他們講話，又指Vivien令他損失機會，問到是否覺得她現在發爛渣？Justin說：「咁事情係發生過！（佢鍾意講大話？）可以咁講，佢講嘢唔係真！」Justin與Carol態度親暱，Carol更不排除有發展機會。此外，Whitney正與模媽Mia（陳靜儀）前夫拍拖，對於被Mia斥「姣婆遇着脂粉客」，Whitney承認有不開心，但不會影響與男友感情。