母親對克羣有不錯的印象，超蓮知道一定非常開心。

賭王何鴻燊三太陳婉珍近期不時被追問兩個女兒何超雲及何超蓮的感情事，前晚她出席活動時罕有地開腔回應，提及陳山聰即說「冇Comment」，但卻指對吳克羣印象不錯，態度截然不同，擺明冧克羣。

母親對克羣有不錯的印象，超蓮知道一定非常開心。

吳克羣

三太陳婉珍出席慈善晚會，罕有地大談女兒的感情事。

猷啟沒有察覺到大家姐超雲唔開心。

三太陳婉珍前晚以東華三院主席身份出席「華麗歲月之夜」慈善晚會。問到兩個女兒為何沒有出席時，三太說：「超雲去咗玩，超蓮喺英國做嘢。（超雲去散心？）唔係，去玩，佢不嬲都冇嘢。（拍緊拖？）問番佢。」曾讚吳克羣的三太，被問到有否受近日新聞而影響對他的印象？她說：「冇，我唔得閒。（同超蓮傳分手？）問番佢，我係最尾知嗰個。」對於有指克羣花心？她說：「都唔知真定假，我未見過佢，但對佢印象幾好，阿女有畀佢哋啲歌我聽。」提到超蓮有否向她訴苦？她說：「冇。（係咪好女婿？）快唔快啲。（好過陳山聰？）冇Comment。」至於超雲早前與男友人看電影，是否有新戀情？三太否認此人是超雲男友：「佢成日都同朋友睇戲，唔係男女朋友。」她又指近期沒有見陳山聰，強調超雲一直都沒有事。但提到是否支持二人不復合？她說：「呢啲唔知。」

三太兒子何猷啟則有到場支持媽咪，被記者包圍的他，不時表示不懂回答。提到兩位家姐心情如何，他說：「大家姐幾開心去旅行。」問到是否與男友去旅行？他說：「肯定唔係自己一個去。（超雲感情生活點？）唔知，佢喺屋企冇唔開心。我唔係成日喺屋企，食飯都唔會傾。」問到超蓮是否與克羣分手時，他起初表示不知道，猶豫了一會再說：「應該唔係。（冷戰？）唔識答。」之後急急想離開。問到是否支持家姐與克羣拍拖？他說：「只要家姐開心就得。」當問到是否見過克羣時，他再次猶豫地說：「未。」其後被三太的助手拉走。

陳曉東唔知整親陳慧琳

另外，陳曉東擔任表演嘉賓，提到早前在雷頌德演唱會弄傷陳慧琳嘴唇，他表示當時完全不知情：「我喺後台見到佢個嘴好似流血，有問佢做乜，佢冇同我講係我整，唔好意思。」他又指近期忙於幕後工作：「會唱劇嘅插曲，要拍埋MV，做埋導演。」提到早前傳出與女子出街，他否認新戀情，並指不急於拍拖。