鄧麗欣（左起）、Kary、區文詩和楊愛瑾感情深厚，常常聚首一堂。

Kary和樂仔半年情突然「死亡」，由於兩人貫徹低調兼怕火羅，故對身邊的好友也「封嘴」，不肯向朋友透露是否回復「單身」。

鄧麗欣（左起）、Kary、區文詩和楊愛瑾感情深厚，常常聚首一堂。

區文詩：我唔知Kary同樂仔分手喎！我同Kary都好忙，大家呢排都冇聯絡喎！我唔打畀Kary問喇！佢會自己同我講啦！作為朋友我會支持佢，我唔可以代佢證實啲乜。

楊愛瑾：我唔知佢哋分手喎！係真係假呀？等我Send Message問佢啦！我唔覺得佢有唔妥，我本新書搵佢寫序，佢都好快透過助手交稿，又唔覺得佢啲文章好傷感喎！（話Kary唔開心會匿埋？）咁又係真，佢唔開心就會匿埋，我、佢、區文詩同鄧麗欣都有個Group o架！佢呢排都冇出現過，不過佢一向都係最遲覆嗰個，唔係活躍分子。（對好友甩拖有乜睇法？）咁快囉！不過如果真係性格不合，唔拖泥帶水仲好。

杜汶澤：我啱啱喺美國禪修返港，冇留意過新聞，呢兩個星期都冇同余文樂聯絡，真係唔知，所以冇回應。

張智霖：我依家都唔喺香港，亦冇聽聞過呢件事，不過人哋嘅事關我乜事呢？