鄧建明懷念鮑汁雞球飯

太極成員鄧建明（Joey）和家駒因愛夾Band而成為知己，私下愛傾心事：「我哋18、19歲時，最鍾意煲電話粥、鍾意蒲尖沙咀河內道間馬來西亞餐廳，有錢時會各自叫碟鮑汁雞球飯，傾到打烊先走。」不過Joey笑言當年二人皆是「四眼薯仔」，故沒傾「溝女經」。二人其後各自加入太極及Beyond，不但沒影響友誼，反而激發良性競爭，他說：「嗰時傳兩隊Band不和，邊有吖？反而太極會諗點解Beyond嘅歌咁Hit。」Joey憶述當年樂壇氣氛和諧，會視同行如朋友：「有年無綫台慶，太極同Beyond喺化妝間一齊玩『估戲名』，哥哥（張國榮）都一齊玩。」