「冇咗樂壇」 豹哥若有所失

前樂隊Blue Jeans成員單立文（豹哥）因和Beyond同期出道，有緣跟黃家駒成為好友。家駒出殯時，豹哥正是跟黃家強、黃貫中、葉世榮及雷宇揚等扶靈，送好友最後一程。豹哥日前受訪，指家駒是「音樂奇葩」：「家駒走咗後，好多嘢都缺乏咗家駒嘅色彩，令人若有所失。冇咗家駒，冇咗態度，亦冇咗樂壇。」他又稱雖然好友離開長達20年，但家駒在其心目中仍佔一席位：「佢好值得人尊敬，係對樂壇極具影響力嘅人，好多人都聽Beyond嘅歌長大。」並指家駒成就了Beyond，Beyond亦成就了家駒，兩者不可分割。