鍾嘉欣開個人騷，下令伍允龍要畀面撐場！

鍾嘉欣終於開個人騷！她加入樂壇五年來一直得到老闆何哲圖（Herman）眷顧，但從未試過開個人演唱會，現在終得老闆首肯，於8月在九展一嘗開騷滋味！記者會上，Herman更漏口風指有機會加場，但嘉欣笑稱自己是BB，不敢行太大步，聽到加場就怕怕！

鍾嘉欣開個人騷，下令伍允龍要畀面撐場！

伍允龍

宣布開騷的嘉欣獲樂易玲（左三）於台上敬酒祝賀。

何哲圖明言有加場的機會，嘉欣BB即刻喊驚！

鍾嘉欣一連兩場《星煥呈獻詩琳鍾嘉欣Love Love Love演唱會》將於8月22及23日假九展舉行，今日開始賣飛。今次是嘉欣殺入樂壇五年來的處女騷，她昨日出席記者會，一向對她呵護備至的老闆Herman、無綫高層樂易玲及電台台長朱明銳都有撐場，樂小姐更即場向Herman探口風問是否有機會加場？Herman說：「爆咗都有機會。」

預告露腰跳舞

老闆暗示有加場機會，但嘉欣說：「我唔敢諗住呀！一步一步啦，『BB』啲步細，太大步會驚！」並自爆前晚親自打電話搵嘉賓，但對方尚未答應，問到名單時，她卻神神秘秘：「有兩個女嘅前輩，我係佢哋Fans，仲有個唱開Rap嘅男歌手。（請伍允龍嚟打功夫？）呢個係演唱會嚟喎！佢都唔Rap得，佢買飛入場同叫多啲人撐場睇就得喇！」要同時兼顧《飛虎II》拍攝工作的她預料會很辛苦，但仍誓言會做到最好，並透露特意學得一手琴藝，準備在台上自彈自唱！她更包辦演唱會的服裝指導，問到可會性感上陣？她說：「最多都係露吓腰，跳舞會扭吓蛇腰摸吓頭，但都唔會太性感。」