劉嘉玲笑言送個心畀偉仔。

劉嘉玲昨晚到亞視出席《燃點希望展新生香港脊髓損傷基金會八周年2013慈善籌款晚會》。她透露日前老公梁朝偉生日，相約親友在家舉行派對，問到送甚麼禮物時，她笑說：「送咗『心』畀佢囉……有送禮物不過唔講喇。（好難揀禮物？）係呀，要留意佢日常生活同玩緊啲乜。（生日願望？）活到呢種年紀，身體健康同快樂好緊要。」

劉嘉玲笑言送個心畀偉仔。

對於偉仔轉換新髮型，嘉玲十分支持：「佢話之前個髮型Keep咗好耐。（你覺得點？）佢咩髮型我都得嘅，今次佢大獲好評，不過佢其實都冇長大過。」又承認身邊朋友不時送上生仔秘方：「真係哭笑不得，好多人用自己嘅生活方式同人生價值觀去衡量人哋，但每個人都可以唔同。（試吓啲生仔秘方？）唔使喇，依家啲科學咁昌明。」