吳浩康踢門夾扁張繼聰
吳浩康昨日宣傳英皇電影新片，他與組合Closer成員飾演收數佬，其中一幕他要一腳破門入屋，適逢張繼聰站在門後，結果慘被夾住，幸好沒有受傷。
吳浩康進行地獄式減肥，消瘦不少。
Karl指《求愛大作戰》沒有做媒。
女子組合OMG性感出席活動，大騷長腿。
樂隊Closer、藝人泰臣、《求愛大作戰》導師「綠魔」Karl和英皇新人許靖韻、洛詩、思漩、莊潔夢和謝佳妤，昨日齊齊為英皇電影《超級經理人》宣傳，並在台上大玩遊戲。其中一個遊戲要求眾女演員模仿《色，戒》海報梁朝偉和湯唯的動作，五人立即衝到台前爭做，並大讚湯唯的演出令人驚嘆，還笑言若戲中對手是梁朝偉的話，亦不介意如湯唯般大膽演出。其後她們接受Karl的時裝指導，在台上配搭飾物，但過程有點狼狽。
吳浩康表示拍攝此片時經常蝦碌，他說：「其中有場戲講我踢門入屋，點知原來張繼聰喺門後面，畀度門夾住咗，好在佢冇受傷。」近期積極減肥的他消瘦不少，他透露已由182磅減至156磅：「唔使好似張家輝咁健碩，減咗肥就得啦。」
「綠魔」Karl封Vivien做影后
「綠魔」Karl否認《求》節目做媒，對於Vivien的控訴，Karl表示對方前晚有致電他：「佢當時情緒激動，可能佢做唔慣幕前而有壓力。個騷好真，有啲剪接位佢奇怪點解咁剪出嚟，所以先有呢啲反應。（簽保密協議不可外向公開係做媒？）完全冇，只係一份唔可以透露故事劇情同結局嘅協議。（Vivien同Justin一早已識？）佢兩個之前係有共同朋友啫，但係喺節目入面先互相了解。（Vivien話自己演技好配合無綫？）咁我推介佢做影后啦！可能佢喺節目入面形象冇咁好，又遭到網民抨擊，先有咁大反應。（所以佢發爛渣？）佢唔知點面對壓力，未能接受照鏡嘅自己。（佢話你哋冇個好人？）我都當佢係朋友，不過每個人有自己選擇，我都尊重佢，我哋都應該係好人。」
