官恩娜冇着三點式益男友

官恩娜（Ella）早前為動畫片《綠國奇兵》聲演女主角，她自言曾多次聲演卡通人物，其中一次是大象，更要從少女演到媽媽，聲線亦由嬌嗲變成穩重：「有時配音都有難度，因為係卡通人物，聲音特別誇張，成日喧嘩大叫，真係叫到聲都沙！」將於8月出唱片的她要令人耳目一新，會以不同形象拍攝唱片封套，但她表示不會為銷量而賣弄性感，更不會穿三點式拍封面：「除咗初入行時着過，近年都冇着過三點式泳衣，上鏡前試着過，但最後都冇勇氣見人，連男朋友都冇見過我着三點式！」