外父施壓7.17「豪」擺婚宴

陳豪與陳茵媺（Aimee）早前於巴黎豪花近三百多萬港元舉行婚禮，雖只是事後發放照片，但已令人感受到幸福喜悅。Aimee現時於多倫多安胎，由雙親照顧，陳豪則安心於香港繼續「搏殺」搵奶粉錢，但每當被傳媒追問老婆有喜一事，他依然封口，只透露Aimee胃口好甚擦得。不過，Aimee的父母於多倫多有頭有面，父親陳炎森除了於香港經營茶餐廳外，於多倫多亦經營酒家，更與不少圈中人稔熟，故兩人於巴黎低調行禮，多倫多的親友難免有「微言」！據知，陳父希望兩人於多倫多自家經營的酒家再設「豪」宴廣邀親朋，雖然陳豪曾打算於當地的酒店擺得好好睇睇，但既然外父開到聲，他倆都不敢「抗旨」，並已鐵定下月17日擺酒。他們的圈中好友都是獲邀之列，而陳父好友、邵氏高層黃家禧亦獲邀出席喜宴。

邵氏黃家禧送BB嘢

記者昨日就此事致電黃家禧，問到陳陳婚宴詳情，他即說：「係呀！717嘛！Aimee有通知我，但係佢都有同我講，依家啲機位係高峰期，好難訂機票，如果唔方便唔好過去，而我近排都好忙，真係去唔到！不過今次去唔到唔緊要，Aimee話之後返嚟香港再請我食番餐，到時再去賀佢囉，都會做份禮畀佢哋。（送BB禮物？）或者係啦！」黃家禧透露於1992年移民加拿大，因經常到陳父的酒家飲茶而成好友，問到給世姪女婿陳豪幾多分時，他笑說：「如果100分滿分，我畀101分，佢哋實在太襯！」

今次雙陳在陳父打骰的老字號「麗晶酒家」擺酒，雖然不算是大型酒家，但不少當地華人十分喜歡幫襯，更經常與華人社區舉辦公益慈善晚宴，馳名菜式包括中式點心與香妃華僑雞等，該酒家在港亦有兩間姊妹店。