莊思敏被「峰」殺 寸爆梁政珏
昨日《好報》踢爆藝員莊思敏日前到長隆拍特輯恰蔡慧欣，按對方的頭落水！昨日她與梁政珏等出席活動，又寸爆對方將Tee剪成低V裝：「不如唔好着！」
不能落水的莊思敏可能嫌齋玩水槍無聊，跌膊搶鏡之餘還要再辣火頭。
梁政珏強調改裝低V衫是創作，真係勁有創意喎！
雨僑平日收收埋埋，穿背心即展露「真功夫」。
沈卓盈咁瘦，烏低身都算係有啲睇頭。
白雲（右）玩水時「肉」女上身，嚇死人。
日前拍特輯時，莊思敏（中）㩒住蔡慧欣借力上水，可憐蔡慧欣超狼狽。
上水後，莊思敏（右二）即搭蔡慧欣（右一）膊頭扮老友。
莊思敏最近與蔡慧欣等人到長隆拍特輯，被《好報》踢爆她疑眼紅蔡慧欣的導彈身材搶「峰」頭，落水玩遊戲時大耍陰招，將對方的頭按進水中，令她飲水兼泳衣斷帶！昨日莊思敏與蔡慧欣、梁政珏、白雲及雨僑等到在酒店泳池宣傳節目《反斗紅星放暑假》，莊思敏與蔡慧欣全程冇交流，但她例牌否認不和：「我同佢唔熟，但我發誓冇咁做過（恰蔡慧欣）！可能嗰陣喺水玩遊戲太大浪，有啲混亂啫！我同金剛咁Friend，一定會錫住佢哎吔女友嘅！」蔡慧欣亦指莊思敏沒欺負她。
「膊」出位失敗
而在活動上，梁政珏把Tee剪成超低V，大晒導彈身材，雖然莊思敏將Tee變成斜膊裝，跌膊騷咪，可惜仍未能力挽狂瀾！而雨僑亦大騷性感花邊泳褲，不過最性感要數「大乳牛」白雲，她上水和落水時，35E巨咪亦幾乎彈出，波濤「胸」湧！
M到唔落水
莊思敏因月事沒有落水，她說：「我今日唔方便，費時整污糟泳池咁冇公德心，我仲通知晒全世界，叫佢哋唔好推我落水。」談到梁政珏將Tee剪成成低V裝，她寸爆：「咁不如唔好着！玩遊戲最緊要投入，如果下下搶住性感，咁好快冇衫着喎！」而梁政珏則表示低V裝是與工作人員共同創作，並不認為是搶「峰」頭。
白雲亦自言不是有心搶鏡：「騷吓靚嘢都開心嘅，唔通收埋喺屋企咩？」問到可要減肥？她信心爆棚地說：「荷里活都好多性感女星，豐滿都係一種美。」
