獲父親四哥力撐的謝婷婷，寄情工作及玩瑜伽放鬆。

四哥謝賢對於女兒婷婷出席活動時眼濕濕談舊情，似放不低跟安志杰的感情，他昨日接受訪問時心痛女兒地說：「佢傷心點解咁遲走呀？」談到婷婷揚言仍深愛Andy，四哥即代女兒出頭：「你叫Andy檢討吓自己啦！」句句窒到應，明顯對Andy印象已變得麻麻，當記者續指婷婷揚言不排除復合，問四哥可會支持？他即有點勞氣：「我唔理，個女鍾意乜就乜啦！我連自己都管唔掂自己，不嬲都畀好大自由度佢o架！」他指婷婷向來不會跟他談感情事，至於會否以過來人身份教女兒？四哥說：「我同佢男人同女人，感情觀點會相同？我亦唔會過問佢嘅感情事。」

獲父親四哥力撐的謝婷婷，寄情工作及玩瑜伽放鬆。