車車對製成品信心十足，師傅卻狠批只值3分。

藝人張紫櫻（車車）向來愛入廚煮兩味，早前告別講波妹生涯的她趁不用再捱更抵夜，專誠到日式拉麵店跟日籍師傅學煮拉麵。她笑稱即使冇波講，將來都有一技傍身，唔怕餓親！

車車對製成品信心十足，師傅卻狠批只值3分。

在Nao師傅指導下，車車親手熬湯、燒叉燒及切叉燒，畀足心機學藝！

車車自言中學時代已入廚，對日本拉麵情有獨鍾的她說：「超鍾意食日本拉麵，但一直喺日式超市買現成叉燒、醬油同醬汁，煮啲唔太正宗、唔太講究嘅日式拉麵，一定唔會自己醃叉燒，亦都唔會有流心蛋。頭先跟日籍師傅Nao由熬湯、醃叉燒、淥麵、放湯，逐個步驟學起，發覺當中大有學問！（師傅見你切叉燒啲刀功都擰晒頭？）我認想食多啲叉燒，所以用咗厚切嘅刀功！

她續說：「原件叉燒真係好重，要有強勁嘅臂彎、日練夜練先夾得起，所以師傅出手幫我都合理！」

信心爆棚得3分

車車對製成品滿有信心，但Nao師傅試味後說：「麻麻哋，3分。」車車即說：「佢明明畀4分，係你哋再問，佢至改3分！碗麵點會難食？配料都係Nao師傅嘅心血，我只係將佢哋共冶一爐，可能就位影相，影響咗碗麵嘅新鮮度。我下次想學整Pizza，我見人哋轉Pizza好勁，反正意粉喺屋企都整到，要學就學啲喺屋企整唔到嘅菜式！」