BOX拒為女人斷手足情
新孖仔組合BOX以Twins師弟的身份殺入樂壇，這對「男版Twins」感情要好，哥哥王子豪曾是200多磅的大肥仔，屢被同學欺負，全靠弟弟王子杰挺身而出！因此，子豪揚言：「兄弟如手足，女人如衣服。」絕不會愛上弟弟的女人！
BOX重視兄弟情，絕不會為女人而反目！
Twins真人如上鏡一樣靚，引得BOX大膽「示愛」。
兩子相當喜歡Twins，見到海報，當然要衝上前合照！
由出身自「巨聲3」的王子豪及王子杰所組成的BOX是今年的樂壇新組合，兩人是名副其實的孖生兄弟，但自言是「最不相似的孖仔」，哥哥子豪說：「多數Fans都識分我哋兩個，因為我有酒凹，同埋眼下面有粒癦！以前啲人完全唔會覺得我哋係孖仔，因為我以前係肥仔，成200幾磅！」他自爆讀書時經常被人欺負，弟弟子杰會反過來保護哥哥，子杰笑說：「所以我哋少整蠱人，唔畀人整蠱已經好好喇！」
搣甩肥膏戰樂壇
兩人生得高大又青靚白淨，想必迷倒不少女生，但子杰說：「我哋拍拖經驗唔多，係純情男仔！（幾多次先？）總之少啦，阿哥中學時多數係暗戀人嘅！」被踢爆的子豪說：「可能因為肥仔關係啩，我17歲先開始減肥，為咗達成做歌手嘅夢想！」兩人「口味」相似，較易對同一類型的女生有好感，子豪說：「如果嗰個女仔偏向佢多啲，我會慢慢冇Feel，兄弟情一定重要過女人！」豈料子豪說：「暫時係，以後唔知！」
BOX經常跟着同門師姐Twins出席活動，原來兩人正是師姐的忠實Fans！子杰回想首次與Twins見面的感受：「非常激動，諗住真人會唔會靚啲？原來都係咁靚！」子豪續說：「我哋即刻上前打招呼，同埋話好鍾意佢！」問到他們情傾阿Sa還是阿嬌多些？兩人即賣口乖：「兩個都鍾意喎！阿Sa得意啲，阿嬌就Cool啲，我成日都話夏天見到阿嬌會涼快啲！」
