阿燦有意拍攝一套以大圈仔為題材的電影。

「阿燦」廖偉雄自棄影從商後，近年將有機米生意搞得有聲有色，不過他卻表示從來不是生意人，更有意復出拍戲，正在度劇本：「想拍一部以大圈仔為題材嘅電影，將我咁多年嘅經歷，反映番喺部電影入面。（會拍番劇？）太辛苦喇！頂唔順！依家冇十個鐘瞓都唔掂！（無綫話明年有8個鐘休息時間！）仲差兩個鐘，我要十個鐘先夠。（無綫開聲救亡都唔會考慮出山？）TVB唔使救亡啦！OK嘅！（客串過吓癮？）唔知！睇劇本，如果做番以前嘅嘢我就唔係咁想。」

阿燦有意拍攝一套以大圈仔為題材的電影。

此外，阿燦表示將首次抱孫：「阿女有咗5個月，就嚟生，佢喺新加坡住，得閒就會影張大肚相畀我，阿仔就喺馬來西亞幫阿媽手搞燕窩生意。（將首次抱孫心情？）戥佢哋開心，要湊大一個BB唔係簡單嘅事，希望佢哋能夠面對煩惱！（係仔定女？）唔知！冇所謂啦！（幫個孫改名？）呢啲佢哋諗，個BB係佢哋ｏ架嘛！」

場地：荷里活廣場