周麗淇及黃宗澤都是單身一族，但並不急於拍拖。

黃宗澤及周麗淇自2006年後再度合作拍攝劇集，更首度飾演情侶！這一對當家小生花旦外形合襯，卻表示只能做好友。黃宗澤與舊愛胡杏兒分手後即桃花不絕，雖有不少「浪蝶」主動埋身，他卻表示暫時無意拍拖，希望寄情工作。

周麗淇及黃宗澤都是單身一族，但並不急於拍拖。

Niki與Bosco於戲中深情咀嘴，現實中卻未能擦出愛火花。

Bosco與Niki於戲內戲外都相當合拍，不時與對方分享心事。

黃宗澤（Bosco）及周麗淇（Niki）在劇集《好心作怪》中首度飾演情侶，開拍時兩人因同是單身而傳出緋聞，卻擦不出愛火花，只能成為交心好友。相隔7年再合作拍劇，他們指彼此都變得更成熟，Niki表示與Bosco無所不談：「同佢做對手戲好有火花，佢會諗好多新嘅嘢，夠聰明，我覺得佢會係第日嘅視帝！」Bosco笑說：「佢咪第日嘅視后囉！佢相當照顧身邊嘅人，會走嚟幫我襯埋衫，仲關心埋我哋嘅健康，成日擺低啲寶藥，話去肝火，對捱夜好。」

寄情事業戒拍拖

Bosco與胡杏兒分手後，雖然桃花不絕，卻表示暫未想拍拖：「啲Friend話介紹女朋友畀我識，我都話唔使。（因為你大把？）唔係大把，係唔想住！冇感覺想要女朋友住，做吓嘢先！（擇偶條件？）冇特定嘅Guideline（指引），順其自然囉！」Niki則希望另一半是中國人：「其實都冇拍拖一段時間，但又唔係恨嫁，所以都唔知係好事定壞事，只係唔想隨便搵一個。（有咩條件？）想法會隨住年紀變。」