唯唯笑言自製床戲騷肌，讓苟姑娘挨在他的心口睇電視。

緋聞情侶梁烈唯和苟芸慧昨日為新劇試造型時奉旨親暱，唯唯笑言要自製床戲！同劇的鍾嘉欣則表示今次角色躁狂，終擺脫BB形象。

唯唯笑言自製床戲騷肌，讓苟姑娘挨在他的心口睇電視。

稍露玉背的王君馨挨住羅仲謙，但男方似不為所動！

鍾嘉欣表示劇中角色躁狂又暴力，更展示滿手的假疤痕。

眾演員為馬德鐘慶祝生日。

藝人鍾嘉欣、梁烈唯和苟芸慧等昨日在將軍澳電視城為新劇試造型。劇中飾演夫妻的緋聞男女唯唯和苟姑娘，沒有因緋聞而避忌，繼續親暱！唯唯說：「我哋結咗婚，仲發生埋關係！」提到苟姑娘只當他是水泡時，唯唯搞笑指憑他一身肌肉，頂多是浮板，不是水泡。問到劇中會否有親熱戲？唯唯抵死自爆自製床戲：「我露胸肌，跟住苟姑娘挨喺我心口睇電視！（使唔使用手遮遮粒點？）唔使，我嗰點好靚ｏ架！加埋打燈，肌肉啲紋理出晒嚟，苟姑娘閃亮嘅眼睛同我嗰點一齊！（點對點？）係呀！」

否認累同門離巢

而滿手假疤痕的嘉欣BB透露劇中角色躁狂又暴力：「今次唔再係BB啦！呢套應該係我入行以嚟最辛苦嘅劇！」對於有指唱片公司老闆偏心她，令同公司的藝人不滿有意離巢，嘉欣說：「其實老闆個個都錫，我入咗公司四年，今年先第一次開迷你演唱會，唔算得寵！」深感委屈的她更覺得報道抹殺了她付出的努力。

昨日是男主角馬德鐘的生日，大會除安排他壓軸出場外，更準備了蛋糕為他慶祝。馬德鐘與無綫轉部頭合約後首度接劇，他表示能為無綫拍劇感到開心：「簽咗兩年，每年一部！（有咩生日願望？）最緊要身體健康！（老婆點同你慶祝？）唔知呀！冇所謂啦！」