「盛女」朱璇想作戰

前華姐冠軍朱璇昨日以一身性感低胸裝出席活動，提到近期城中熱話無綫真人騷《求愛大作戰》被指重口味，她力撐參賽者：「我諗佢哋唔係特登，可能太投入啫！（有參賽者掂到女士敏感部位）我覺如果係個女仔會出聲。（覺得參賽者點？）佢哋唔係我鍾意嘅類型。（鍾意邊類？）文藝氣質型，飲酒OK但唔可以食煙。」問到會否參加《求愛》，朱璇自嘲玩遊戲很慢：「我中文差，驚太多俗語唔明。」她又表示去年有留意另一真人騷《盛女愛作戰》，揚言如果無綫開拍第二集，一定會報名參加。