汪詩詩叫老公推荷里活片

甄子丹太太汪詩詩昨日與妹妹汪圓圓及媽媽Jennifer一同出席SK-II活動，詩詩透露老公將接拍幾部荷里活電影：「唔想佢咁辛苦，我話算啦，畀人做，但佢太熱愛電影。（子丹係咪掛住拍荷里活片而唔接《葉問3》？）老公畀咗六個月嘅期拍，但一直冇下文，唔可以再拖。」對於有傳是子丹獅子開大口要5千萬片酬而開拍不成，她否認：「唔知點解咁傳，有啲荷里活片片酬仲高，但角色要中國人做壞人，佢好正義，所以都推咗。（唔拍《葉問3》佢有冇覺得可惜？）冇呀，佢覺得一定要同葉偉信導演合作先係The Best！」