放狗就見得多，好似叻哥咁「放豬」你哋見過未？

藝人陳百祥（叻哥）等日前遠赴番禺拍攝無綫節目，叻哥的任務竟是訓練野豬BB做全能「鐵豬」，入水能游、出水能跳！自認聰敏的叻哥與豬暢游時，卻被豬拋離！

放狗就見得多，好似叻哥咁「放豬」你哋見過未？

人豬暢泳，豬B仲快過叻哥掂池邊，勁！（設計對白）

黃智雯餵鵜鶘時竟被啄手，陰功囉！

陳百祥、薛家燕、黃智雯和關菊英等早前遠赴長隆水上樂園，為無綫的「Amazing Summer」拍攝節目《反斗紅星放暑假—長隆非常任務》。叻哥有特別任務在身，就是變成魔鬼馴獸師，誓要將野豬BB訓練為全能「鐵豬」，入水能游、出水能跳！他先訓練豬B行直線，一向拉開頭馬的叻哥變拉豬，又氹又呵都搞唔掂，豬B不斷四圍行，場面搞笑！

之後叻哥訓練豬B游水，換上泳衣與豬暢泳。他一手掉豬B落水，嚇到牠慘叫！豈料豬B泳術了得，即使叻哥努力追趕，豬B仍繼續領先，叻哥只能緊隨其後！問到會否擔心被指虐畜？叻哥笑說：「唔怕！我初初都奇怪點解嗌得咁淒厲，其實只係佢嘅叫聲係咁，一抱就嗌，好似BB咁！」

黃智雯慘被雀啄

另一邊廂，家燕姐在動物園落力氹孔雀開屏，而黃智雯則負責餵飼鵜鶘，但多隻鵜鶘爭相搶食，其中一隻更飛擒大咬，連黃智雯的手臂都唔放過，嚇得她大聲尖叫，相當慘情！