黃榕的寫真照相當大膽露骨。

黃榕今年將推出寫真集，惟疑似露點和露股相，以及一張被揸胸的相片不獲淫審處通過而要抽起，她昨日出席禁毒活動說：「冇乜嘢啫！我覺得影得好Fashion。（轉為珍藏版再出？）唔會，我計劃今次本寫真要入到書展，所以要趕去換相。」問到可曾被引誘吸毒，她指曾在夜場被人氹飲「有料」飲品：「當時暈暈哋，擔心畀人落嘢，所以拿拿聲搭的士返屋企！（見朋友吸毒？）有見過啲模個鼻下有粉末，但唔知咩嚟！」

黃榕的寫真照相當大膽露骨。

此外，原定今年在書展出飲食書的李曼筠，昨日在Facebook表示新書進度欠佳，非常憤怒，公司發言人透露Maggie想新書出夠200頁紙，但因進度及成本問題，現在只有百零頁︰「依家已經冇問題，Maggie都明白，亦會繼續出書。」至於Maggie則截稿前未有回覆。