被槍掟中傷及鼻樑及眼眉的馬浚偉，更將受傷的自拍照放上微博。

馬浚偉前晚拍攝劇集《守業者》時發生意外，被拍檔的槍掟中傷及鼻樑及眼眉，即時血流如注，送院治理，現已返家休息的他表示要休息數日，待傷口消腫才可復工。他昨日接受電話訪問時表示左邊鼻樑骨折及左眼眉爆了，前晚睡覺時感到鼻塞，問到受傷時有否頭暈，他說：「少少啦！我都坐咗好耐先回神，真係流咗成攤血，不過受傷嗰一刻都好心甜，因為楊怡又幫我抹汗、印血，曹永廉又斟水畀我飲，佢哋都好緊張。」馬浚偉又指今次責任不在拍檔身上，又坦言幸好擊中左邊：「2006年我拍《天機算》時都撞傷入院，嗰陣右邊視網膜撞到鬆咗，如果今次撞番右邊，肯定盲眼。」昨日他又自拍照片放上微博，叫大家放心，更笑言有疤痕都幾有型。

被槍掟中傷及鼻樑及眼眉的馬浚偉，更將受傷的自拍照放上微博。

另外，林保怡昨於微博指拍戲時被裝在牆上的反應彈彈中後背及右手，不過只是小傷，叫大家不用擔心，李珊珊亦有留言慰問，並叫他保重身體。