蔡恩真嫌「求愛男」醜樣

韓模蔡恩真前晚出席活動時疑似凸點，她說：「我戴咗Nude Bra，但呢度真係好凍！」她又批評《求愛大作戰》：「有時都有睇，啲男仔都幾醜樣，香港好多靚仔，唔明點解會揀佢哋參加。」並質疑節目中的形象指導Karl，她說：「佢都未追過女仔，佢點樣教人追女仔？個節目好特別！韓國都有呢類節目，但啲男仔好靚仔。我都想參加呢類節目，不過要香港版，同埋一定要係靚仔，我都可以教啲男仔整容同扮靚。」問到揀男友是否要靚仔？她說：「我諗係因為咁，所以仲未有男朋友，希望好快會有！」又笑言要找Karl教路。