踩Rocky岩巉倒胃口 Sharon捱轟

在《求愛大作戰》中自認港女性格的Sharon，在前晚播出的一集中跟Rocky組成一隊玩遊戲時，露出港女本性！雖然兩人勝出獲安排撐枱腳食自助餐，看似浪漫，但口沒遮攔的Sharon在鏡頭前踩Rocky：「有人請你食飯，你望住佢個樣，都要食得落至得(口架)！我唔係話Rocky個樣真係好差，但係始終佢可能塊面上面就……即係比較多岩巉嘅月球表面位啦！你望到佢個樣你會……如果唔望其實係OK，但係望實好似你會食唔落飯囉！Vivien有講過，不如Rocky我畀錢你去整容，整好咗先至同我食飯啦！」這番話遭網友狂插。