馬德鐘瓷婚重溫「舊」情 影婚紗相晒恩愛

馬德鐘與太太張筱蘭這輯二十周年瓷婚紀念婚紗照以「蘭德」有情，關注香港舊區文化及古物為題目，有別於一般到浪漫童話式地方取景的婚紗照，兩人選擇在香港一些舊區文化及古舊建築物拍攝，馬德鐘說：「舊區文化同古物包含咗好多集體記憶，充滿濃厚感情同意義。喺現實生活中，一段長久和諧嘅婚姻就好似觀賞舊區文化同古物一樣，愈睇愈有味道、愈珍貴，有一種連綿不盡嘅感覺，所以我哋想突破一般常規拍攝婚紗照嘅規限。」兩人事前上網做了很多資料搜集，希望藉這輯婚照令更多本地人關注香港舊區文化及古物。

兩日踩勻10個景點

今年三月，他們邀得英國著名攝影師Simon Wheatley操刀，馬德鐘夫婦由行程安排到拍攝後期製作都積極參與，非常認真，又獲不少好友及品牌以及本地時裝設計師Sponsor。拍攝的兩日行程走遍港、九及東涌共10個景點，每個地點都充滿特色和價值。兩人最喜歡心經簡林，而廟街則是他們結婚初期經常流連的地方。兩人在婚照中以多個造型現身，包括有型爆Cool Look及甜蜜晒恩愛。