阿聰（左）及祖藍攞咗「學生證」，可以跟「毛毛」及「大眼的Dot」做同學喇！

王祖藍「私生女」曝光！他昨日在活動上被追問時仍談笑自若，更希望早日「父女團聚」！同場的張繼聰自認怪獸家長，還踢爆囝囝到處留情。

阿聰（左）及祖藍攞咗「學生證」，可以跟「毛毛」及「大眼的Dot」做同學喇！

這個小女孩跟祖藍儼如「餅印」，難怪他笑言怕有血緣關係！

祖藍與張繼聰昨日宣傳動畫《怪獸大學》，對於網絡突然瘋傳一張小女生萌照，相中人與祖藍激似，不少圈中人轉發留言，祝賀祖藍「添丁」。對此，祖藍不怒反笑，他說：「我諗自己生都冇咁似，起碼似足9成。（聯絡佢？）有興趣o架！想知佢係乜人，不過驚真係有血緣關係，發現咗啲秘密就唔好啦！」

認買名車畀Kay

祖藍又笑指阿聰是「怪獸家長」：「佢個仔竟然識講『我靚仔過爸爸。』」阿聰亦直認不諱：「我做唔到嘅嘢都叫下一代做，例如我個仔識得黐埋萬綺雯同許亦妮啲靚女度，有次許亦妮問佢可唔可以錫一啖，我個仔竟然答：『咁你錫咗我爸爸先啦！』」對於太太謝安琪（Kay）被拍得買名車，阿聰說：「其實係我畀錢嘅，我搵錢全部都畀晒佢。嗰日我叫老婆簽名，點知被人影到，我下次要高調番啲囉！（車價寫得啱唔啱？）有時多有時少，上次結婚咪寫少咗囉！」

為《怪》片配音的祖藍與阿聰，原來求學時已不時接類似的工作搵外快，故今次錄音時默契十足，祖藍說：「讀書嗰陣等出糧嗰張支票頂幾個月生活費，阿聰當時已經簽咗經理人囉！」