過氣青春偶像Aaron Carter日前在波士頓街頭被四名彪形大漢毆傷，事後在Facebook上載受傷照，並透露對方是男子組合New Kids On The Block（NKOTB）的粉絲！

上周六晚，歌手Aaron與友人在波士頓晚膳後，在停車場準備取車離開時，突然有一名魁梧大漢行近他，並大叫：「聽講你聽日喺呢度開騷，呢度係News Kids嘅地頭！」原來對方是NKOTB的粉絲，其後再有三個男人出現，四人聯手狂打Aaron。

嫌「乸型」拒報警

事後Aaron在Facebook上載自拍受傷照，除手上傷痕外，右眼亦被打腫，他受訪時表示曾揮拳還手：「我打到佢哋以為自己啲關節都斷埋，其他人覺得我係一個好削嘅白人，但我覺得我贏咗，因為到最後我仲企喺度！」他又聲稱有「泰拳黑帶6段」，但事實泰拳並無段數之分，明顯吹水！雖然Aaron傷勢不輕，但他堅持不報案，認為此舉太「乸型」，而他前晚仍然繼續開騷。

現年25歲的Aaron，是組合Backstreet Boys（BSB）成員Nick Carter的弟弟，10歲便出道，多年來推出過7張專輯，一直半紅不黑，發展比Nick差得遠。今次被毆事件與其兄長有關，因為BSB與NKOTB是競爭對手，連帶Aaron亦被對方粉絲視為眼中釘，認真無辜！不過BSB與NKOTB早前曾同台演出，昔日死對頭早已言歸於好。