陳法拉瞓浴缸演繹「貪婪」，難怪一缸道具鈔票。

新一代形象新貴馬天佑下月推出新書《七宗罪》，邀來圈中七位靚女拍攝靚相。近日傳與男友薛世恒感情亮紅燈的陳法拉，拍攝「貪婪」為題的造型，對於感情事，身在美國的她不作回應。而馬天佑大讚法拉演繹到位：「七個當中我覺得最難度高係『貪婪』，所以搵法拉演繹，因要搵個識做戲，用眼神、肢體展現出嚟！」

陳法拉瞓浴缸演繹「貪婪」，難怪一缸道具鈔票。

關心妍揸住斧頭狀甚狼死。

文詠珊冇嘢好玩，玩「攝」廁紙！

其他主題分別有拍「貪食」的官恩娜、「妒忌」的關心妍、「憤怒」的文詠珊，「色慾」的陳靜，而台灣藝人范瑋琪及郭采潔，則分別演繹「懶惰」及「傲慢」。馬天佑表示一直做些有外國Feel又好玩的事：「呢啲『罪』好多人都有，罪亦可以整得好好玩，好似關心妍個『妒忌』，啲人成日話佢冇獎攞好妒忌其他人，但其實唔係，搵佢做出嚟就顯得冇嘢，從冇妒忌啲人攞獎。」