女神陳雅倫畀宅男抽水

藝人陳雅倫（Ellen）及八両金早前客串有線高清奇妙台節目《掃毒大家庭》，飾演臥底探員的Ellen以索爆女神Look現身，電到八両金及扮演宅男的李尚正（阿正）暈陀陀，兩人更為爭奪「女神」垂青而大打出手！阿正除了捉實Ellen的玉手不放外，又將其「冬菇頭」枕落對方的膊頭，令Ellen忍不住笑說：「你好喇，咪咁過分！」但拍畢後，Ellen給阿正送上「愛的擁抱」，並說：「同阿正、八両金做對手戲難度好高，淨係望住佢哋都想笑！佢哋仲不停整古做怪，搞到我忍唔住笑！今次真係拍得好開心，我少拍呢類型嘅趣劇，邊拍邊笑好好玩！」