身兼廣告監製的森美可親自挑選靚女對手，笑得特別得戚！

藝人森美昨日出席代言七年的《維特健靈維新烏絲素「激髮魅力電視廣告首播會」》，身兼監製的他透露是次酬勞增長了20%，除了袋兩份人工外，更可親自挑選廣告女主角！他表示產品以健康為主，故特地挑選形象高貴的Model。問到事前有否問過太太意見？他說：「工作唔搞老婆，自己搞都得，不過今次個Model唔係自己鍾意嘅。由細到大，我都鍾意細細粒嘅女仔，因為感覺可愛，如果陳敏之同小儀，我會揀小儀！」

身兼廣告監製的森美可親自挑選靚女對手，笑得特別得戚！

提到無綫節目《星夢傳奇》喪插參賽藝人，曾擔任《超級巨聲》主持的他說：「對未入行嘅參賽者唔可以太Harsh（嚴格），但對藝人就可以Harsh啲，因為氣氛都重要，其他節目好似章子怡嗰啲都鬧到喊啦！戲劇效果係需要，可以鬧得再激啲！」